Ұлттық домбыра күніне орай Сәтбаев қаласының Жастар алаңында 100 күйші бір мезетте «Балбырауын» күйін орындап, қаланы күйдің қоңыр үніне бөледі.
Бұл — халқымыздың бірлігін, ұлттық өнерге деген сүйіспеншілігін, ата-баба аманатына адалдығымызды паш еткен әсерлі сәт болды. Домбыраның үні өткенімізбен жалғап, ұрпаққа жол көрсететін қастерлі мұра екенін тағы бір мәрте дәлелдеді.
Жүздеген домбырашыны біріктірген бұл бастама ұлттық өнердің мәңгі жасайтынын көрсетті. Шара аясында қала тұрғындары мен қонақтары күйдің рухын сезініп, ерекше әсерге бөленді.