🏫 «Келешек мектептері» ұлттық жобасы – еліміздің білім саласындағы ең ірі серпінді бастама. Бұл – үш ауысымды және апатты мектептердің мәселесін шешетін, әрбір балаға заманауи, дамыған әрі қолайлы ортада білім алуға мүмкіндік беретін маңызды қадам.
Жоба аясында жаңа үлгідегі мектептер салынып, оқу кабинеттері заманауи техникамен және цифрлық құралдармен жабдықталады. Мұғалімдер үшін қолайлы еңбек жағдайы жасалып, оқушылардың жан-жақты дамуына бағытталған инновациялық әдістер енгізіледі.
«Келешек мектептері» – тек білім ордасы ғана емес, оқушылардың шығармашылық қабілетін ашатын, спортпен және өнермен айналысуға жағдай жасайтын кеңістік. Бұл жоба еліміздің барлық өңірлерін қамтып, ауыл мен қала арасындағы білім сапасындағы алшақтықты азайтуға мүмкіндік береді.
Осылайша, «Келешек мектептері» ұлттық жобасы – Қазақстанның болашағына жасалған инвестиция. Өйткені сапалы білім алған ұрпақ – ел дамуының кепілі.